JINDAGI TERI TALASH HAR KISI NE KI

jindagi teri talash har kisi ne ki

dhundh lun rahasya jivan ke
khoj lun piyush antarman ki
ye utkat abhilash har kisi ne ki
jindagi teri talash har kisi ne ki.


tu anbujh paheli hai ye koi abhi tak jaan na paya
kahan tera bimb aur kahan teri pratichhaya
tere hone na hone ki ehsas har kisi ne ki
jindagi teri talash har kisi ne ki.


tu path nahi, tu manjil nahi
tu dimag nahi, tu dil nahi
tu kasti nahi, tu sahil nahi
tu durlabh nahi, tu hasil nahi
tu kya?... tu hi jane..
duniyan tujhe dard-dua maane
tu hari mirchi, tu taza shahad
teri anmol sukh-dukh ki mithas har kisi ne li
jindagi teri talash har kisi ne ki.


tu bhram paida kare
tu saty ujagar kare
tu sagar ko bund kahe
tu bund ko sagar kare
tumrig-trishna si
aankhon me jadu kare
tu hansini jaisi
pani dudh aagu kare
na samjha tujhe koi
tu hai to bhi roye
tu na rahe to bhi nain roi
tujhe dhundhne ki aas me
khud apna vinash har kisi ne ki.
jindagi teri talash har kisi ne ki.


main to kahun kya jarurat hai
tujhe dhundhne ki, tumse ulajhne ki.
tu kachche sut ki uljhi guthi
main to bhul na karun tujhe samajhne ki.
ye raaz... raaz hi rahe to behtar hoga.
varna insaan jina hi chhod dega.
"bhram ki jindagi achchhi bhali"
meri ye kori soch pe, e jindagi
dekh! uphaas har kisi ne ki.
jindagi teri talash har kisi ne ki.