पीहू पीहू बोले रे पपीहरा

देहाती झूमर/कजरी/लोकगीत/

सावन के महिनवा रे सखिया।
मनवा मारे रे हिलोर।
पीहू पीहू बोले रे पपीहरा ,
थिरके मनवा के मोर।1//

रिमझिम बरसे पनिया रे सखिया।
पियवा खोजे चितचोर।
पीहू पीहू बोले रे पपीहरा ,
थिरके मनवा के मोर।2//

फरफर उड़े ओढ़निया रे सखिया।
जियरा धड़के जोरजोर।
पीहू पीहू बोले रे पपीहरा ,
थिरके मनवा के मोर।3//

बाबा के पोखरिया रे सखिया।
नहावे गइले भोरेभोर।
पीहू पीहू बोले रे पपीहरा ,
थिरके मनवा के मोर।4//

सरसों फुलल देहिया रे सखिया
महकल चारो ओर।
पीहू पीहू बोले रे पपीहरा ,
थिरके मनवा के मोर।5//

एहि बरस लगनिया रे सखिया
हरदी लगो पोर पोर।
पीहू पीहू बोले रे पपीहरा ,
थिरके मनवा के मोर।6//
©सुनील कुमार सोनू
25/04/2020